Fatbardh Kadilli ka deklaruar pas mbledhjes së Këshillit Kombëtar të Partisë Demokratike se zërat kritikë nuk janë dëgjuar. Tashmë i deklaruar se kandidat për kryetar të PD, Kadilli tha se ai është i vendosur që t’i qëndrojë deri në fund projektit për një parti të pastër, të bashkuar, të hapur e fituese. Ai ka thënë se duhet t’I jepet shpresë shqiptarëve dhe të mos ndryshohet thjesht kryetari, por të ndryshojnë veten
‘’Pavarësisht vendimit, zërat kritikë artikuluan qartë kërkesën ër dorërheqjen të kryetarit. Zërat kritikë nuk u dëgjuan, por vendimi i kryesisë dhe këshillit është të shpallet gara.
Sado e pabarabartë gara, sado jashtë standardeve, jam i vendosur ti qëndroj deri në fund projektit për një PD të pastër, të bashkuar, të hapur dhe fituese. Duhet ti japim shpresë sot të gjithë shqiptarëve, një PD më të madhe se kryetari, se vetë PD, për një PD të shekullit të 21-të. Nuk ndryshojmë kryetarin, ndryshojmë veten. Që përballë krimit të kemi me vete qytetarin.
Jam për qytetarin që është qytetar politik, jo që e trajtojmë me oferta materiale. Do ia dalim, demokracia është e vështirë, rrugë e gjatë, një brez larg prandaj do e mbrojmë. Do i shkoj deri në fund përtëritjes së PD, por gjithë shoqërisë shqiptare”, tha Kadilli.
