Një drejtues automjeti është ndëshkuar nga Policia Rrugore me një gjobë prej 100 mijë lekësh, pasi kreu një parakalim të rrezikshëm në aksin “Lezhë-Milot”, duke rrezikuar seriozisht sigurinë rrugore.
Pamjet e publikuara tregojnë momentin kur automjeti parakalon në mënyrë të papërgjegjshme dhe i del përpara edhe një kamioni, duke krijuar një situatë të rrezikshme për aksident të mundshëm.
Policia Rrugore ka reaguar menjëherë ndaj shkeljes, duke vendosur masën administrative për shoferin dhe thekson se do të vijojë kontrollet intensive për të garantuar rendin dhe sigurinë në rrugë.
Në njoftimin e saj zyrtar, policia i bën thirrje qytetarëve të denoncojnë çdo shkelje të rregullave të qarkullimit, përmes numrit të emergjencës 112 apo platformës “Komisariati Dixhital”.
