Sokol Dautaj, kreu i Sindikatës së Naftëtarëve të Ballshit, që gjenden në ditën e 9-të të grevës së Urisë, ishte i ftuar në emisionin e Adi Krastës mbrëmjen e sotme.
“Ne ishim para pak ditësh te ministria dhe nuk e çau kush kokën. Protesta jonë paqësore ka nisur që në muajin janar. Kompanitë vijnë këtu si triumfatorë dhe çuditërisht në fund dalin të falimentuara. Kostot në fund bien mbi naftëtarët. Ne i kemi provuar të gjitha format e protestës, na ka mbetur vetëm kjo,” tha ai.
“Na është dhënë gjithmonë një zgjidhje emergjente, asnjëherë një zgjidhje afatgjatë. Realisht qyteti i Ballshit është ndërtuar mbi rafinerinë. Por këtu janë përdorur të gjitha format për të mos pasur protesta. Ata kanë dashur që këtu të mos figurojë zëri i protestave. Ditën e sotme u kemi bërë thirrje të gjithë aktorëve politikë, që nga presidenti i republikës, kreut të opozitës, që janë të mirëpritur. Deri më tani ka pasur vetëm premtime boshe”, tha Dautaj.
/GazetaReforma.com/
