Në komunikimin e përjavshëm me gazetarët, presidenti Ilir Meta, u pyet edhe për bisedimet për Reformën Zgjedhore, duke qënë se nuk ka qenë pjesë e tryezës deri tani.
Meta ka theksuar se në dijeninë e tij, opozita nuk ka vendosur një kusht për qeveri tranzitore.
Sipas tij opozita duhet të ketë kërkesa të qarta dhe duhet të mbajë qëndrimin e saj.
Presidenti shtoi se për kreun e KLSH-së nuk do të lejonte presionet politike.
“Kreu i KLSH do zgjidhet në mënyrë kushtetuese, s’do lejoj presion publik”, deklaroi Meta.
Ndërsa në lidhje me takimin me ambasadoren Yuri Kim, Meta u shpreh se takimi ishte pozitiv, ndërsa ka preferuar të mos e komentojë më gjatë se çfarë u diskutua në këtë takim.
“Kuvendi duhet ti kushtojë vëmendje pagesave të institucione, financimin e terrorizmit dhe pastrimit të parave.
Së dyti me kënaqësi shpalla ligjin për sigurimet shoqërore. Këtë javë patëm një komunikim me Kuvendin për Eurobond të ri.
Shuma që parashikohet të emetohet më detyruan të mos jepja menjëherë pëlqimin. Reflektimi i Kuvendit për shqetësimit e rritur, bën që ky akt do të hyjë menjëherë në fuqi.
Në datën 26 maj jam njohur edhe me letrën e Ruçit, për kreun e KLSH-së. Nuk do të lejoj të bëhet një shantazh apo presion politik”, u shpreh Meta.
