Komisioni Qendror i Zgjedhjeve ka miratuar fletën e votimit për zgjedhjet e 25 prillit.
Sot u mbajt mbledhja për shqyrtimin e projektvendimit “Për miratimin e përmbajtjes së fletëve të votimit për zgjedhjet për Kuvendin e Shqipërisë të datës 25 prill 2021”, ndërsa modeli i saj do të jetë me vendosjen e kandidatëve me emra dhe jo me numra.
Kreu i KQZ, Ilirjan Celibashi ka njoftuar se është rrëzuar kërkesa e Partisë Socialiste për shënimin e kandidatëve me emra dhe jo me numra. Ai tha se version përfundimtar do të jetë me emra dhe vendosur horizontalisht.
Të gjitha qarqet do të kenë të njëjtin format të fletës së votimit. I vetmi ndryshim nga qarku në qark do të jetë në madhësinë e germave e cila do të ndryshojë në varësi të emrave që janë në listë. Shpjeguar më thjeshtë: në një qark që ka më shumë kandidatë, emrat do të jenë me germa më të vogla (p.sh. Tirana me 36 kandidatë).
“Kandidatët do ë identifikohen me emër, fonti i fletës së votimit do të jetë ndryshe për çdo qark”, ka thënë kreu i KQZ, Celibashi.
Kujtojmë që vendimi për fletën e votimit është shtyrë për dy ditë pasi përfaqësuesi i PS në KQZ, Erdian Salianji kërkoi ndërprerjen e mbledhjes duke thënë se miratimi i fletës së votimit është kompetencë e kreut të këtij institucioni dhe jo e Komisionit Rregullator.
