Pavarësisht një uljeje të lehtë të temperaturave krahasuar me muajt e mëparshëm, korriku i vitit 2025 rezultoi të ishte muaji i tretë më i nxehtë që është regjistruar ndonjëherë, sipas të dhënave të publikuara nga Observatori Evropian “Koperniku”.
Sipas raportit, temperaturat mesatare të këtij muaji ishin 1.25°C më të larta se nivelet para-industriale, ende brenda kufirit të Marrëveshjes së Parisit, por një tregues i qartë se kërcënimi nga ndryshimet klimatike vazhdon të jetë i fortë.
Kushtet ekstreme klimatike gjatë korrikut sollën pasoja të rënda në shumë vende, përfshirë valë të nxehti përvëluese, përmbytje të fuqishme dhe zjarre masive. Vetëm në Spanjë, mbi 1.000 vdekje u raportuan si pasojë e kushteve ekstreme të motit.
Carlo Buontempo, drejtori i Shërbimit Evropian për Ndryshimet Klimatike, paralajmëroi se nëse nuk merren masa serioze për reduktimin e emetimeve të gazrave serrë, bota do të përballet me rekorde të reja temperaturash dhe pasoja gjithnjë e më të rënda.
