Shefja e Epidemologjisë në Institutin e Shëndetit Publik, Eurgena Tomini, ka bërë publike detajet më të fundit nga situara e koronavirusit në Shqipëri.
Tomini u shpreh se deri më tani janë testuar 53 persona, të cilët kanë rezultuar negativë.
Ajo vijoi më tej, duke thënë se në 24 orët e fundit, janë shënuar vetëm 3 raste të dyshuara.
“Deri më tani ka pasur 53 raste të testuara dhe të gjitha kanë rezultuar negative. Kush ka ardhur nga vendet e prekura të vetëizolohen. Ia kemi rekomanduar vetëkarantinimin 38 personave. Përgjatë 24 orëve të fundit kemi pasur 3 të raste të dyshuara”, tha ajo.
Shefja e Epidemologjisë ka këshilluar sërish qytetarët që vijnë nga vendet e prekura, që të vetëizolohen, derisa të jenë të sigurtë që nuk janë të infektuar.
Përsa i përket denoncimit të PD për mungesën e maskave në qendrat shëndetësore, Tomini u shpreh se deri më tani janë shpërndarë 1.2 milion copë.
Aktualisht në rang global koronavirusi ka marrë mbi 3 mijë jetë njerëzish, ndërsa të infektuar numërohen mbi 98 mijë.
