Italia është një ndër vendet më të goditura nga koronavirusi, e quajtuar ndryshe edhe si epiqendra e Covid-19 në Europë.
Në 24 orët e fundit Italia ka shënuar një tjetër rritje të rasteve ditore me COVID-19, ku janë regjistruar 1.640 persona të infektuar me koronavirus në 103.696 tamponë të kryer.
Ndërkohë edhe numri i viktima është rritur, pasi ditën e sotme kanë ndërruar jetë 20 persona duke e çuar në 35.758 numrin total të jetëve të humbura.
Rritet numri i të shëruarve, 995 në 24 orë, por edhe e personave në terapi intensive, 244. Të shtruarit në spital janë 2.658 ndërkohë që një ditë më parë ishin 2.604. Campania rezultoi rajoni më i nxehtë me 248 raste, e ndjekur nga Lombardia (196) dhe Lazio (195).
Që prej fillimit të pandemisë deri më tani në Itali janë shëruar 220,665 persona ndërsa në gjendje të rëndë për jetën aktualisht janë 244 të tjerë.
