Ditën e dielë në Gjermani u zhvilluan zgjedhjet parlamentare. Social Demokratët e qendrës së majtë të udhëhequr nga Olaf Scholz, arritën të fitonin me një rezultat të ngushtë ndaj konservatorët të kancelares Angela Merkel.
Rezultati i zgjedhjeve të të dielës shënoi rezultatin më ulët në historinë e CDU-së dhe më të paparashikueshmin në një nga vendet që mbanë ekonominë më të madhe të Europës në dekadat e fundit. Nga ana tjetër autoritetet zgjedhore kanë njoftuar se nuk do t’i publikojnë të dhënat përfundimtare të zgjedhjeve deri më 15 tetor, pra të premten. Kujtojmë se SPD aktualisht ka siguruar 206 vende në Bundestag, CDU ka vetëm 151, të Gjelbrit kanë 118 anëtarë dhe FDP 92.
Armin Laschet, drejtuesi i partisë CDU, është shprehur se është i gatshëm të kryesonte një qeveri koalicione dhe madje ka thënë se “asnjë parti” – madje as Social Demokratët – nuk mund të pretendojnë një mandat për të qeverisur nga rezultati i votimit të së dielës.
Ai përsëriti se CDU ishte gati për bisedime me të Gjelbrit dhe FDP -në liberale për një partneritet të mundshëm. Konservatorët ranë në nivelin më të ulët historik prej 24.1 për qind në votimet e së Dielës, hera e parë që ata kanë shënuar nën 30 për qind, një prekje nën 25.7 për qind të SPD.
