Një studente ka rezultuar pozitive më COVD-19 në Elbasan. Burime bëjnë me dije se studentja është nga qyteti i Lushnjes dhe kishte shkuar në Elbasan për sezonin e provimeve.
Mësohet se 22 vjeçarja është studente në universitetin “Aleksandër Xhuvani”dhe është vetëkarantinuar në një banesë me qira në qytetin e Elbasanit.
Kujtojmë se ditën e sotme janë konfirmuar pozitiv me COVID-19, 52 raste të reja, me numrin më të madh të të prekurve në Tiranë. Lajm i mirë është se në 24 orët e fundit janë shëruar 36 qytetarë, ndërsa në spitalin Infektiv është një person më pak i shtruar nga dje, 81 pacientë.
Ndërkohë Ministria e Shëndetësisë dhe Mbrojtjes Sociale i drejtohet të gjithë bizneseve, qytetarëve, të tregojnë kujdes në zbatimin e masave të vendosura sipas protokolleve të sigurisë pasi virusi ka ende transmetueshmëri të lartë, kemi rritje të rasteve të reja ditore pozitive si dhe të rasteve që kanë nevojë për trajtim spitalor.
Pavarësisht shërimeve, ka sërish shtrime të reja në spitalin infektiv ku aktualisht po marrin trajtohen 81 pacientë, 11 prej tyre janë në terapi intensive. Mosha mesatare e të shtruarve është rreth 61 vjeç, ndërsa gjysma e të shtruarve është nga Tirana.
