Në një konferencë për mediat që mbajti Sekretari i Përgjithshëm i NATO-së, Jens Stoltenberg ajo që ra në sy ishte kërkesa e gazetares Lailuma Sadid, me origjinë afgane që punon për gazetën e Brukselit Morning Newspaper.
“Unë do të doja të bëja një pyetje në lidhje me rolin e NATO-s në Afganistan. NATO nuk është vetëm Amerika, a nuk mendoni se vendimi që keni marrë ju dhe NATO është i gabuar?” tha Sadid.
Më tej mes lotësh Lailuma Sadid, ka kërkuar që mos t’i njohin talebanët pa asnjë kusht, siç bëriu ish-Presidenti Donald Trump.
“Sa politika të tjera të dështuara do të ndjekin para se të gjendet një zgjidhje? Ne e kemi parë situatën. Sepse si një grua nga Afganistani … është e qartë se situata është shumë e vështirë. Ka mijëra gra në Afganistan që nuk e dinë çfarë i pret, çfarë ndodh … Ju lutemi mos i njihni talibanët pa asnjë kusht, siç bëri Donald Trump kur nënshkroi marrëveshjen me talibanët”, tha gazetarja mes lotëve.
Në redaksi pas saj ishte varur një mbishkrim ku thuhej ”Jeta afgane ka rëndësi”.Më tej gazetarja tha se NATO dhe bashkësia kombëtare kanë qenë të pranishme në Afganistan për 20 vite dhe tani që u larguan vendi u kthye 20 vite pas.
“NATO dhe bashkësia ndërkombëtare kanë qenë të pranishme në Afganistan për 20 vjet, dhe tani ne po kthehemi 20 vjet mbrapa. Unë do të doja të pyesja se si është e mundur kjo? Bashkimi Evropian dhe Shtetet e Bashkuara ishin në krye të civilizimit, ata mundën fashizmin dhe nazizmin në Luftën e Dytë Botërore. Tani, pavarësisht forcës së tyre, ata nuk mund të luftojnë talibanët”, tha gazetarja.
