Federata Shqiptare e Futbollit (FSHF), ka bërë me dije se miqësorja e planifikuar me Gjibraltarin, do të anulohet dhe në vend të saj, kombëtarja do të luajë miqësoren me përfaqësuesen e Kosovës.
Miqësorja me Gjibraltarin u anulua për shkak të pandemisë dhe për shkak se i gjithë territori spanjoll është futur në karantinë.
Ndërkohë mësohet se miqësorja me Kosovën do të luhet më 11 nëntor në “Elbasan Arena”.
Kujtojmë se përfaqësuesja e Kosovës u pranua zyrtarisht në UEFA në maj të vitit 2016-të.
Kosova ka bërë disa ndeshje miqësore me Shqipërinë, ndeshje edhe jozyrtare por edhe pas futjes zyrtare në UEFA./GazetaReforma.com/
