Ukraina po bën gati 9 muaj luftë, ku në gr upin e viktmave janë edhe fëmijët.
Të paktën 437 fëmijë janë vrarë në Ukrainë që nga fillimi i pushtimit rus, njoftoi zyra e Prokurorit të Përgjithshëm të Ukrainës. Më shumë se 837 fëmijë janë plagosur, sipas një raporti që zyrtarët thonë se nuk është përfundimtar, pasi ata vazhdojnë të verifikojnë informacionin nga zonat e betejës, zonat e çliruara dhe territoret e mbajtura ende nga forcat ruse.
Rajoni i Donetskut lindor është ai që është prekur më shumë. Në të, 423 fëmijë janë vrarë ose plagosur, tha zyra e prokurorit.
Kombet e Bashkuara kanë thënë se të paktën 16,295 civilë janë vrarë që nga fillimi i pushtimit rus më 24 shkurt, të cilin Kievi dhe udhëheqësit perëndimorë e denoncojnë si një akt të paprovokuar agresioni. Moska mohon të ketë shënjestruar civilët.
Kujtojmë se më herët Agjencia e OKB-së për fëmijët ka deklaruar se të paktën 972 fëmijë ukrainas janë konfirmuar të vrarë ose të plagosur nga dhuna.
UNICEF tha se kjo shifër përfaqëson numrin e viktimave që janë verifikuar nga OKB-ja dhe se numri real ka të ngjarë të jetë shumë më i lartë.
Shumica e viktimave janë shkaktuar nga armë shpërthyese, thuhet në një deklaratë të Drejtoreshës Ekzekutive të UNICEF-it, Catherine Russell.
