Pak ditë më parë një 19-vjeçar humbi jetën në një aksident në Itali, pasi u përplas nga një furgon. I riu po shkonte për në punë me motorin e tij, ashtu si çdo ditë tjetër.
Ditën e sotme, trupi i të ndjerit Ledio Cërriku është nisur për në Shqipëri. Ai është dërguar me target nga porti i Barit, në drejtim të Shqipërisë, ku do t’i jepet edhe lamtumira e fundit.
Sipas mediave italiane, për Ledio Cërrikun filloi një garë solidariteti e vërtetë. Të afërm dhe të panjohur filluan të mbledhin para për të ndihmuar familjen nga Elbasani, madje hapën edhe një llogari bankare.
Shtëpia e Ledios të mërkurën në mbrëmje u kthye në një vend pelegrinazhi të vërtetë. Gjithashtu komandanti i policisë lokale, Edoardo Turci shkroi një letër prekëse, ku përshkruan dramën e familjes nga Elbasani, por edhe solidaritetin e njerëzve.
Në letër shkruhet:
Sipas traditës, të ftuarit u pritën nga të afërmit me një cigare dhe një gotë, nën të cilën ata lanë paratë e tyre: një garë solidariteti e jashtëzakonshme dhe në lëvizje, sepse drama që po përjeton familja e Ledios është i pafundme.
Për agjentët që zbuluan aksidentin ishte shumë e vështirë të mos merrnin pjesë emocionale në tragjedi. Pavarësisht nga detyrat e nevojshme rituale të ftohta, pamja e çarçafit të bardhë që mbulonte kufomën mund të trondiste këdo.
