Moderatori Arian Çani ka befasuar mbrëmjen e sotme me një deklaratë të fortë në emisionin e tij “Zonë e Lirë”.
Gjatë emisionit Çani u shpreh se ka disa kohë që në Shqipëri është future në treg një lloj i ri kokaine, ndryshe nga kokaina e zakonshme.
Ai u shpreh se vetëm një kilogram nga kjo kokainë, kushton 350 mijë euro. Gazetari Çani deklaroi ndër të tjera se kjo lloj droge quhej kokaina pink dhe se këtë lloj kokaine e përdor vetëm elita. Ndërkohë Çani u shpreh se këtë informacion e ka nga burime shumë të sigurta.
“Më tha një burim serioz se është futur një lloj kokaine totalisht ndryshe nga sa është mësuar bota tani që quhet kokainë pink ku kilja e saj kushton 350 mijë euro. Nuk e shesin me gramë, më thonë që në Shqipëri e përdorin shumë pak njerëz se thonë që nuk ka efekte negative, madje thonë që është kuruese për disa drogëra. Personi që ma tha është i huaj, e përdorin elita këtë”, deklaroi Çani.
Kujtojmë se Shqipëria tashmë prej disa vitesh është bërë një rrugë tranziti kryesore jo vetëm për kanabisin por edhe për drogëra të forta si kokaina dhe heroina. Madje gjatë viteve të fundit janë zbuluar nga policia, anti-droga në bashkëpunim me partnerët ndërkombëtarë, disa laborator kokaine apo heroine brenda territorit shqiptar./Gazetareforma.com/
