Vrasja e Ilareia Sulës vijon të tërheqë vëmendjen e medias italiane, ndërkohë që hetuesit po hetojnë ngjarjen tragjike që ndodhi në Romë, ku ish-i dashuri i saj, Mark Antony Samson, është autor i krimit.
Së fundmi, një nga miqtë e autorit, Maher Abouzeid, i cili është gjysmë-egjiptian dhe gjysmë-filipinas, ka dhënë dëshminë e tij për ngjarjen.
Abouzeid ka treguar se pas vrasjes, ai u takua me Samsonin dhe pa që duar e tij ishin të fryra.
“Natën pasi kreu krimin, ne u takuam së bashku dhe duart e tij ishin të fryrë. E pyeta se çfarë kishte ndodhur dhe ai më tha që ishte përleshur me dy djem përpara shtëpisë së Ilarias. Por ishte një gënjeshtër. Ishte fillimi i të gjithë gënjeshtrave”, tha si fillim miku i 23-vjeçarit.
Sipas dëshmisë, pas krimit, Mark Antony Samson filloi të tregonte një sjellje të çuditshme, duke qeshur dhe bërë shaka, duke kaluar një natë me dy turiste polake.
“Si fillim ai ishte në ankth dhe unë mendova se kjo kishte ndodhur për shkak të ndarjes me Ilarian. Më pas u kthye Marku i vjetër. Ai filloi të qeshte, të këndonte dhe të bënte shaka. U njohëm me dy turiste polake dhe kaluam natën me ato deri në tre të mëngjesit. Madje ato na ftuan dhe në shtëpinë e tyre për më shumë. Por nuk e imagjinoja dot që në ato momente, Ilaria ishte e vdekur”, tha Abouzeid gjatë dëshmisë së tij.
“Pasi mbaruam festën, i thashë Markut që të flinte nga unë pasi ishte vonë, por ai kishte frikë ta linte makinën e tij vetëm. Ai u ndje tepër i tmerruar dhe shpresoj që trupi i Ilarias mos të ishte aty”, përfundoi miku i autorit.
