Ajola Xoxa u paraqit këtë të enjte në GJKKO për të apeluar sekuestrimin e llogarive të saj bankare, me një vlerë prej rreth 850 mijë eurosh.
Ankimi po shqyrtohet nga gjyqtari Engert Pëllumbi, i cili gjithashtu pritet të shpallë në orën 10:00 vendimin për masën e sigurisë ndaj kryebashkiakut Erion Veliaj.
Ajola Xoxa akuzohet nga SPAK për korrupsion (në 9 raste), pastrim parash dhe fshehje pasurie.
GJKKO, gjatë seancës së 12 shkurtit, ndryshoi masën e sigurisë për të, duke e liruar nga arresti shtëpiak dhe duke i vendosur detyrim paraqitjeje dhe ndalim për largim jashtë vendit.
Një vendim pritet të merret sot edhe për ankimimin e kryebashkiakut të Tiranës, Erion Veliaj, lidhur me masën e sigurisë “Arrest me burg”.
