Protesta e sotme e mbajtur kundër prishjes së Teatrit Kmbetar, u hap nga fjalimi prekës i artistit Neritan Liçaj, i cili kërkon drejtësi për “shpirtin e pushkatuar”.
Në fjalën e tij, Liçaj kërkoi që të vendoset drejtësi për shpirtin e pushkatuar, ndërsa theksoi se Ramën ka për ta dënuar historia për shembjen e Teatrit, pasi ishte një kauzë e drejtë.
Kjo e fundit, sipas vetë fjalëve të Liçaj ishte kauzë paqësore, qytetare dhe patriotike”.
Kujtojmë këtu se Teatri Kombëtar u shemb mëngjesin e 17 majit nga një operacion i beftë policor.
“Ne duam një vend normal, si gjithë Europa. Unë besoj se kauzë më të mirë sesa Teatri nuk ka. Çështja jonë ka qenë patriotike, paqësore, qytetare, që të shprehemi të gjithë.
Ne e kemi quajtur teatrin si sheshi i lirisë. Kjo sepse ne aty iu thoshim të vërtetat në sy njëri tjetrit. Unë do doja drejtësi për këtë krīm që u bë.
Ne jemi këtu për të mbrojtur të drejtat institucionale. Duhet drejtësi për këtë shpirt të pushkatuar.
Te teatri nis bota shqiptare. Çdo gjë që ka të bëjë me mua, ka të bëjë edhe me ju, me të gjithë.
Jam krenar që jam shqiptar, sepse jemi racë e fortë. Duhet parë përtej parave, përtej pushtetit. Teatri një kauzë e drejtë dhe historia do ta dënojë kryeministrin”.
Pak përpara fillimit të protestës së Aleancës për Mbojtjen e Teatrit, u shpalosën edhe portretet e atyre që votuan pro shembjes së kësaj godine, në Këshillin Bashkiak të Tiranës.
