Ngjarje të shumta kriminale me protagonistë shqiptarët në Itali raportohen pothuajse çdo ditë.
I tillë është edhe rasti i fundit, ku një shqiptar pas një sherri për motive ende të paditura ka kërcënuar komshiun e tij me një thikë kuzhine, por më pas ka përfunduar vetë i lënduar.
Mediat fqinje raportojnë se bëhet fjalë për një shtetas sirian 53-vjeçar dhe një 43-vjeçar shqiptar, por identitetet e tyre nuk dihen ende teksa shkruajnë se ishin të dy të jashtëligjshëm në shtetin italian.
Zënka ka filluar në një kafene në lagjen ku jetonin personat në fjalë dhe pas një debati mes tyre 43-vjeçari ka marrë mjetin prerës dhe ka kërcënuar sirianin.
Mirëpo, ky i fundit i është kundërpërgjigjur duke i shkaktuar plagë të rënda në kokë, çka bënë që shqiptari të përfundonte në spital.
Nuk dihet ende se çfarë masash do merren ndaj tyre, teksa kujtojmë se në një raport të publikuar në fund të 2019 Ministria e Brendshme italiane informoi se grupet kriminale shqiptare janë ndër më aktivet në vendet e huaja dhe se Shqipëria cilësohet si vend tranzit i heroinës nga Azia Qëndrore dhe Afganistani drejt tregut të Europës Perëndimore.
Më tej, në raport thuhej se përveç trafikut të drogës aktiviteti kriminal shqiptar është përfshirë dhe në aktivitetin e prostitucionit e në krimin ndaj pasurisë si grabitje të dhunshme, kërcënim e zhvatje.
Mafia shqiptare ndër më të rrezikshmet në nivel ndërkombëtar! Shqiptarë bëjnë namin nëpër botë
