Kreu i Komunës së Mitrovicës së Jugut, Agim Bahtiri, mësohet se është kërcënuar me jetë.
Bëhet me dije se si pasojë e kërcënimeve, ndaj kryetarit të Mitrovicës së është vlerësuar e nevojshme prezenca policore në vendbanimin e tij në Mitrovicën e Jugut.
Disa mjete policore pas njoftimit të kryebashkiakut se është kërcënuar me jetë, kanë ‘blinduar’ perimetrin rreth banesës së Bahtirit, për sigurinë e tij personale, për shkak edhe të pozitës zyrtare publike që kryetari i Komunës ka.
Njoftimi i Policisë:
“Prokuroria Themelore e Mitrovicës njofton opinionin se bazuar në informatat dhe të dhënat e pranuara në adresë elektronike nga ankuesi kryetari i Mitrovicës së Jugut A.B., Prokuroria Themelore në Mitrovicë, ka autorizuar hetuesit policorë të ndërmarrin veprime hetimore mbi dyshime të “Kanosjes, shantazhit dhe detyrimit” ndaj të njëjtit. Prokuroria Themelore e Mitrovicës, njofton opinionin se si rrjedhojë e kërcënimeve ndaj kryetarit të Mitrovicës së është vlerësuar e nevojshme prezenca policore në vendbanimin e ankuesit”, ka deklaruar Prokuroria e Mitrovicës.
