Ministrja e Drejtësisë, Etilda Gjonaj, në një komunikim me mediat ka bërë me dije, se tre drejtues të policisë së burgjeve, janë kërcënuar me jetë.
Gjonaj për arsye sigurie nuk ka bërë bërë publik emrat.
Ajo shtoi se drejtuesit po mbrohen nga një strukturë e posaçme me urdhër të saj.
“Një pjesë prej jush kanë publikuar raste të kërcënimit të drejtuesve të burgjeve, dhe kjo strukturë speciale do t’i mbrojë. Padyshim edhe Policia e Shtetit duhet të ofrojë mbrojtje”, theksoi Gjonaj.
Kujtojmë këtu se pak kohë më parë, u bë publik lajmi i kërcënimit të Drejtorit të përgjithshëm të Burgjeve, Agim Ismaili.
Ky i fundit mori një mesazh kërcënues në telefon, nga persona të paidentifikuar.
Kërcënimet erdhën pas futjes së regjimit “41 bis”, për të burgosurit me rrezikshmëri të lartë.
