Drejtori i Përgjithshëm i Burgjeve Agim Ismaili, në nëntor të 2019-ës pretendoi se ishte kërcënuar me jetë.
Policia ka arrestuar autorin e dyshuar të kërcënimit, i cili është Muharrem.Z, shkruan “Newsbomb”
Ky i fundit akuzohet se ka kërcënuar Ismailin nëpërmjet një mesazhi në telefon, nga një numër që nuk mund të identifikohej fillimisht.
Kallëzimi u bë nga vetë Drejtori i Burgjeve, ndërsa autori është gjetur nëpërmjet mesazheve të dërguara.
Kërcënimi ndaj Ismailit, u regjistrua pasi hyri në fuqi regjimi “41 Bis”, për të burgosurit e rrezikshëm.
Agim Ismaili mban postin e Drejtorit të Përgjithshëm të Policisë prej një viti, pasi zëvendësoi Stefan Çipën.
Më parë ai ka qenë Drejtor i Agjencisë Kombëtare të Ushqimit dhe nëndrejtor i Parandalimit dhe Pastrimit të Parave.
Kjo është hera e tretë që Ismaili kërcënohet me jetë, në njërin prej rasteve nga një i dënuar në burgun e Drenovës.
