Gratë naftëtare të Ballshit, kanë hyrë sot në ditën e 22-të të grevës së tyre të urisë, pasi kërkojnë të drejtat e tyre në pagat e prapambetura dhe rifillimin e punës.
Mësohet se gjendja e naftëtareve është shumë e rënduar, por edhe pse në një situatë të rënduar shëndetësore, ato janë shprehur se do të qëndrojnë deri sa të marrin pagat pasi nuk kanë zgjidhje tjetër, edhe pse kanë marrë mesazhe kërcënuese për ta lënë atë.
Ditën e sotme, naftëtaret kanë shprehur falenderimiin ndaj Presidentit Meta për reagimin e tij sepse greva e tyre është ekonomike dhe nuk ka lidhje me politikën. Ato presin që Rama të vijë të dialogojë për të gjetur një zgjidhje.
“Situata janë është e rëndë dhe e vështirë nga ana psikologjike. Po vuajmë për bukën e gojës. Ne duam vetëm bukën e gojës të premtuar nga kryeministri Rama. Faleminderit presidentit qe reagoi sepse kjo jona është greve ekonomike jo politike. Nuk dorëzohemi dhe nuk dalim nga ambientet e qendrës shëndetësorë derisa te marrim lekët. Apeli vazhdon ndaj qeverisë dhe ndaj kryeministrit Edi Rama. Kemi pasur mesazhe dhe thirrje me privat dhe këto janë partiake. Nuk kemi për borxhe të dëgjojmë ato telefonata kërcënuese për të lënë grevën. Jemi te ngujuara ekonomikisht. Shpresa është që Rama të vijë këtu e të dialogojmë, “Ja sheshi, ja mejdani “. Ne brenda në greve ai jashtë në shesh. Ne duhet të jemi pranë familjeve tona jo ketu, ndaj duam nje zgjidhje sa më parë. Deputeti i zonës mos të vij vetëm në Ballsh sa të hajë dreke. Të zbres deri tek gratë e të shikoj çfarë behët. Nga greva nuk dalim”, u shprehen grevistet.
