Letrësia shqiptare përkujton sot një nga figurat më të ndritura dhe më me ndikim në këtë fushë. Si sot katër vite më parë, në tre shkurt u nda nga jeta shkrimtari, poeti dhe politikani shqiptar Dritëro Agolli. Në vitin 2017, Agolli mbylli sytë përgjithmonë në moshën 85-vjeçare.
Prej kohësh shkrimtari vuante nga një sëmundje në mushkëri, por pavarësisht kësaj nuk e kishte ndarë asnjëherë cigaren nga dora.
Autori i madh shqiptar lindi në Menkulas të Devollit, ndërsa veprat e tij janë përkthyer në mjaft gjuhë të botës. Një ndër librat më të paharrueshëm është edhe romani “Shkëlqimi dhe rënia e shokut Zylo”, që flet për burokratin servil Zylo Kamberi, i cili falë Agollit u bë subjekt filmash dhe këngësh. Vepra e fundit e tij ishte libri me poezi “Prit edhe pak”, të cilin ia kushtoi bashkëshortes Sadies.
Veçse, shkrimtar, Agolli u mor edhe me politikë, duke qenë një nga themeluesit dhe më pas deputet i Partisë Socialiste dhe një nga zërat më kritikë të Partisë Komuniste dikur.
Ja disa nga shprehjet e kolosit të letërsisë shqipe që janë të paharrueshme:
“Gabimi i një doktori varroset në tokë. Gabimi i një arkitekti bie në tokë, kurse gabimi i një mësuesi ecën nëpër tokë”.
“Nëse njeriu nuk ndjen as kënaqësi, as dhimbje; nëse nuk ndjen as gaz, as hidhërim, as shpresë, një gjë po jua them me ndershmëri dhe bindje, lëreni të vdesë”.
“Duaje gruan edhe me gabime, ashtu siç do një libër të bukur edhe me gabime shtypi”.
