Gjatë orëve në Shqipëri janë ndjerë 4 lëkundje tërmeti, ku më e forta ishte ajo e orës 10:20 minuta me magnitudë 3.7 ballë.
Epiqendra e tërmetit ishte në detin Adriatik, me një thellësi prej 5 km.
Lëkundjet kanë filluar rreth orës 09:30, ndërsa e fundit është regjistruar 40 min më parë, me magnitudë 2.2 ballë, në thellësinë 2 km.
Gjatë kësaj kohe janë regjistruar lëkundje 2.9 dhe 3.2 ballë, të gjitha me epiqendër në detin Adriatik, në thellësinë 10 dhe 5 km.
Kujtojmë këtu se vendi ynë u godit nga një tërmet i fuqishëm i shkallës 9 ballë, i cili i mori jetën 51 personave.
Si pasojë e lëkundjeve të fuqishme u dëmtuan qindra shtëpi, duke shkaktuar një dëm të konsiderueshëm ekonomik.
Një muaj më parë, BE mblodhi një fond prej 1.15 miliardë eurosh, midis të cilave dhurime dhe borxhe me interes të ulët, të cilat do të shkojnë për programin e rindërtimit.
