Komisioni i Ankimimeve dhe Sanksioneve, ka rrezuar kërkesën e Partisë Demokratike dhe Lëvizjes Socialiste për Integrim, për shpalljen të pavlefshme të zgjedhjeve dhe ripërtëritje të tyre në Qarkun e Korçës. Ky vendim hynë në fuqi menjëherë dhe botohet në fletoren zyrtare.
“KAS pasi analizoi provat dhe faktet e paraqitura, vendosi rrëzimin e kërkesës ankimore të paraqitur nga PD dhe LSI, ky vendim hy në fuqi menjëherë dhe botohet në fletoren zyrtare. Palët për këtë duhet të paraqesin brenda 5 ditëve ankimim në Kolegjin Zgjedhor”, tha Çefa.
Një vendim i ngjashëm është marrë edhe në Qarkun e Elbasanit, rrëzimi i kërkesës së Partisë Demokratike dhe Lëvizjes Socialiste për Integrim gjithashtu ilustrohet në fletoren zyrtare.
“Nga faktet dhe provat e administruara, me shumicë votash u vendos, rrëzimi i kërkesave të PD dhe LSI, për Qarkun e Elbasanit, ky vendim hy në fuqi menjëherë dhe ilustrohet në fletoren zyrtare, për këtë vendim do të mund të bëhet ankimim në Kolegjin Zgjedhor, brenda 5 ditëve nga shpallja e vendimit” , deklaroi KAS.
Kujtojmë që PD dhe LSI, ankimuan rezultatin e zgjedhjeve në këto dy qarqe, me arsyetimin, se Partia Socialiste i ka manipuluar ato, përmes shumë mënyrash e formash. Por, kjo kërkesë e tyre është rrëzuar nga KAS, ndërsa pritet që të merret vendimi edhe për Qarkun e Fierit.
