Komisioni i Ankesave dhe Sanksioneve ka rrëzuar kërkesën e PD dhe LSI për ripërsëritjen e zgjedhjeve në qarkun e Beratit. Ndërkohë, ditën e nesërme pritet vendimi për rinumërimin e votave po në Berat dhe do të shqyrtohet edhe ankimimi për qarkun e Vlorës.
Në mbledhjen e sotme, KAS rrëzoi gjithahstu më shumicë votash edhe ankimimet e PD dhe LSI dhe të kandidatit të pavarur, Kreshnik Merxhani, për s ai përket parregullsive të pretenduara pre tyre për votimin dhe numërimin në qarkun e Gjirokastrës.
Kujotjmë që KAS më parë mori vendimin për hapjen e 24 kutive në qarkun e Beratit. Në procesin e hapjes së kutive janë hasur parregullsi të ndryshme. Nga kryqëzimi i shenjave të gishtave u mësua se 19 persona kanë votuar 53 herë. PD e denoncoi këtë fakt duke thënë se “19 persona kanë votuar 53 herë, mes të cilëve 2 persona kanë votuar 2 herë. Kjo e dhënë është shumë e rëndësishme, sepse verifikon që persona të ndryshëm kanë mashtruar duke votuar në emrin e perosnave të tjerë. Në Qarkun e Beratit diferenca për mandatin e pestë të PS dhe mandatit të LSI është vetëm 77 vota. Ky dokument u pranua të merret nga KAS dhe nxjerr në pah parregullsitë proceduriale të procesit të votimit.”
