Lionel Messi u përjashtua ndërsa Barcelona u mposht mbrëmjen e kaluar me rezultatin 3-2 nga Athletic Bilbao në finalen e Super Kupës spanjolle. Skuadra e Ronald Koeman humbi finalen e tyre të parë të sezonit dhe kapiteni i tyre humbi toruan në kohën shtesë kur më pas u përjashtua nga loja. Ishte kartoni i parë i kuq i Messit për Barcelonën dhe vetëm i treti në karrierën e tij futbollistike.
Në këtë mënyrë kapiteni i Barcelonës, Lionel Messi, është pezulluar me dy ndeshje nga Komisioni i Disiplinës. Messi mungoi edhe mbrëmjen e kaluar në sfidën kundër Cornellas për “Kupën e Mbretit”. Barcelona kishte apeluar në komitetin e garës së federatës spanjolle të futbollit, por ata kanë hedhur poshtë argumentet e klubit katalanas dhe kanë mbajtur pezullimin me dy ndeshje. Sulmuesi do të jetë në gjendje të kthehet për ndeshjen e Barcelonës në mesjavën tjetër ku do të përballet me Rayo Vallecanon si mysafir dhe në këtë fazë luhet me vetëm një ndeshje, pra s’do të ketë ndeshje kthyese.
Ndërkohë kujtojmë se ky ishte kartoni i parë i kuq në karrierën e argjentinasit për gjest antisporti. Kartoni i parë i kuq daton me gushtin e largët të vitit 2005, kur Messi debutonte me kombëtaren e Argjentinës. Ky gjest u konsiderua si i dhunshëm në Spanjë.
