Sot, do të mbahet seanca për oficerët e arrestuar, të cilët dolën në biseda të përgjuara përmes aplikacionit Sky ECC, duke komunikuar me individë të botës së krimit.
Në dosjen që përfshin oficerin e policisë Shkëlqen Ruska, ai është identifikuar si përdorues i aplikacionit dhe ka pasur biseda me Kristo Qirici, kreun e një grupi kriminal, i njohur si Jetmir Qirici (Hoxha).
Një nga bisedat e tyre ka përfshirë një dhomë hoteli, ku Qirici ka kërkuar të flasë me “Mondin”, që është identifikuar si Edmond Papa.
Po ashtu, në një moment, oficeri ka kërkuar ndërhyrjen e Qiricit për të ndihmuar në lidhje me spitalin infektiv, pasi po dërgonte atdhenë e tij, i cili ishte prekur nga COVID-19. Pasi i ati ka ndërruar jetë, oficeri ka marrë ngushëllime nga Qirici.
Një tjetër komunikim ka përfshirë këshillimin e grupit kriminal për të gjetur lidhje pranë ShIK, duke i referuar një rasti në vitin 2016, ku, sipas një oficeri të policisë, ShIK ka dërguar informacion në polici, duke penguar hetimet.
Përveç Ruska, edhe shefi i policisë Elvis Dervishi ka komunikuar me Qiricin përmes Sky ECC, duke diskutuar mundësinë për të ngjitur një oficer të caktuar në detyrë.
Po ashtu, ish-shefi i policisë së Sarandës, Eljon Alushaj, ka diskutuar në aplikacionin Sky ECC për një ndalim të bërë nga forcat Shqiponja ndaj shtetasit Xhino Murati, duke e ndihmuar të shpëtojë nga një kontrolle.
Ky shtetas ia lë armën kushëririt të tij mosha 15 vjeç.
“Kanë kapur G-në le ta mbajë ai i vogli 15 vjeç e ta nxjerrin G-në”.
