Këtë të martë Deputetja e Partisë së Lirisë Monika Kryemadhi ka njoftuar se do të dorëzojë në Gjykatën e Tiranës një padi civile për televizionin kombëtar Top Channel, pasi sipas saj kanë denigruar figurën e saj pasi kanë paraqitur dokumenta të falsifikuara për të.
Për gazetarët jashtë dyerve të gjykatës së Tiranës, Kryemadhi u shpreh se kallëzimin do ta dorëzojë ditën e nesërme si dhe do të kërkojë dëmshpërblim financiar.
Sipas disa shkrimeve të Top Channel Monika Kryemadhi ka marë para ruse.
“Në vitin 2017 ka marrë dy pagesa nga Holdem Holdings Limited, një kompani e inkorporuar në Qipro dhe ka bërë një pagesë për Vradus Holdings Limited, një tjetër kompani sërish e inkorporuar në Qipro.” Shkruan Top Channel.
Kryemadhi: Sot ndalova në gjykatën e Tiranës për një padi civile për shoqerine Top Channel e cila në menyre të vazhduar ka ushtruar denigrim, intimidim, mashtrim ndaj figurës time, si deputet, politikane, individ. Sot dua të ngre një proces tjetër jo vetëm për të sensibilizuar veten time por per të treguar se shoqëria jonë shqiptare ka nevoje për të ndryshuar mentalitetin, për të mos rënë pre e shantazheve, intimidimeve.
Nesër do ta pasojë me nje kallëzim penal për veprën penale që ka kryer shoqeria Top Channel ndaj meje duke paraqitur dokumente te falsifikuara ose duke ushtruar shantazh dhe duke mashtruar opinionin publik. Kam kërkuar edhe dëmshpërblim financiar qe do shkojne per ti rinjte dhe te rejat
