Anita Dervishi është kandidate për deputete në zgjedhjet që do të mbahen ditën e dielë në Shqipëri dhe synon një karrige në sallën e Kuvendit të Shqipërisë. Ajo mban numrin tre në listën e kandidatëve, në qarkun e Durrësit për partinë e kreut të Konservatorëve Kujtim Gjuzi, i cili është regjistruar në KQZ me “Aleanca Bashkimi Popullor ABEOK”.
Kandidatja për deputete ka bërë fushatë edhe në rrjetet sociale, ku në Instragram, bien në sy pak postime që të kenë lidhje me aktivitetin politik dhe fushatën. Ajo që bie lehtësisht në sy janë fotot e Anita Dervishit, me poza dhe veshje provokuese dhe ku nxjerr në pah linjat trupore.
Ndërsa një tjetër detaj që mund të veçohet është se në postimet e vazjës që aspiron të bëhet deputete, nuk mungojnë gabimet drejtshkrimore, si mungesa e ë në emrin e qytetit të Fushë Krujës, shënimi i emrit Shqipëri me sh të vogël. dhe disa gabime të tjera.
Fushata zgjedhore në Shqipëri ka nisur që më date 25 mars dhe të gjithë kandidatët janë shumë aktivë në rrjetet sociale, ku reklamojnë takimet e tyre me elektoratin. Ndërsa Dervishi, ka zgjedhur një mënyrë tjetër për të bë fushatë, ku ka zgjedhur të reklamojë linjat e saj trupore dhe jetën e luksit që bën…
