Teksa ndodhemi 1 muaj para zgjedhjeve lokale, kandidati për Bashkinë e Tiranës, Roland Bejko foli dhe për jetën politike në vendin tonë ku i cilëson aktorët politike Berisha, Rama dhe Meta si një trinom, me interesa të cilat lidhen me ndërtimet në Tiranë.
Gjithashtu Bejko vë theksin tek shpronësimet me dhunë që u janë bërë qytetarëve, madje dhe me vlerësimin poshtë çmimeve të tregut. Kandidati për Kryebashkiak argumenton që mbi 70 përqind e qytetarëve shqiptare janë kundër këtij trinomi sepse i ka marrë frymën për 33 vite.
“Trinomi Berisha Meta RAMA janë bashkë dhe kjo ska asnjë pikë dyshimi. Nuk mund të ketë jetë politike gjysma e sistemit pa gjysmën tjetër! Dhe interesat lidhen pikërisht te ndërtimet e Tiranës të Erion Veliajt. Shikoni se cfarë po u bëjnë pronarëve të tokavë në Tiranë. Po ja u zhvasin. Në disa raste kemi shpronësime me dhunë. Në disa raste shpronesime jashte cmimeve të tregut. Vetëm e vetëm që oligarkia politike të qerasë oligarkinë ekonomike që i mban këta në pushtet.
E megjithatë, megjithëse kemi perballë kastën e vjetër politike shqiptare dhe interesat e tyre financiare, ne jemi besimplotë në betejën tonë se do tja dalim. Sepse do të kërkojmë votën e demokratëve, votën e njerzve të lirë, votën e atyre që nuk e durojnë dot këtë kastë politike sepse i ka marrë frymën për 33 vite , sepse mbi 70 përqind e qytetarëve shqiptare janë kundra trinomit Rama-Berisha-Meta dhe do të jenë kundra edhe dy cirakve të tyre Kellici dhe Veliaj”, u shpreh Bejko.
