Kufizimet për shkak të pandemisë kanë sjellë një tjetër mënyrë të të bërit fushatë në këto zgjedhje.
Të gjithë kandidatët për deputetë në qytete të ndryshme, kanë qenë tepër aktivë në rrjetet sociale, duke i shfrytëzuar platformat e tyre për të komunikuar me mbështetësit e tyre. Kandidati për deputet i PD, Asllan Dogjani ishte live me mbështetësit, duke shpjeguar platformën e partisë që përfaqëson, por ndodhi e pamenduara.
E bija, Zarina, vetëm 5 vjeçare, ka nisur të këndojë ninullat e saj, të puthë e përqafojë të atin, pavarësisht se ai ishte live në rrjetet sociale. Por sfida më interesante ishte ajo e ushqyerjes së të atit, kandidat për deputet, me biskotat e saj. Videoja e mëposhtme iu njeh me “fushatën” e vajzës së kandidatit për deputet!
Ndiqeni, ndoshta është “platforma” më e bukur e kësaj beteje elektorale.
Asllan Dogjani kandidon në këtë fushatë elektorale nën siglën e PD dhe renditet i 35 në qarkun e Tiranës! Kandidati i PD-së është një emër shumë i njohur i politikës shqiptare, pasi prej vitesh është pjesë e politikës shqiptare. Fillimisht, Dogjani ka qenë pjesëtar i Partisë Socialiste, për të kaluar më pas me Partinë Demokratike. Dogjani ka kandiduar në të shkuarën në qytetin e Kukësit, ndërsa tashmë do të kandidojë në qarkun e Tiranës.
Momenti mes Asllan Dogjanit dhe të bijës (20:02)
https://www.facebook.com/74460042702/videos/508223747008084
