Një tjetër aksident ka ndodhur në vend ditën e sotme. Rreth orës 14:45, tek 21-dhjetori në kryeqytet, një makinë ka shkaktuar aksident duke kaluar me semafor të kuq. Mësohet se mjeti me drejtues G.M., ka qenë duke transportuar një person të sëmurë për në spital në momentin që ka shkelur rregullat e qarkullimit duke shkaktuar këshu aksidentin. Si pasojë ai ka përplasur një këmbësore, A.M., 23 vjeçe dhe dy mjete të tjera. Bëhet me dije se e reja ndodhet në spital nën kujdesin e mjekëve.
Në vendngjarje ndodhet grupi hetimor dhe po punon për sqarimin e rrethanave të aksidentit.
Njoftimi i policisë Tiranë:
Tiranë/Informacion paraprak
Me datë 27.06.2021, rreth orës 14:45, tek 21-Dhjetori, mjeti me drejtues G. M., duke transportuar një shtetas të sëmurë për në spital, ka vazhduar lëvizjen me semafor të kuq, dhe ka aksidentuar këmbësoren shtetasen A. M., 23 vjeçe dhe dy mjete. Si pasojë është dëmtuar këmbësorja shtetasja A. M., 23 vjeçe, e cila ndodhet në spital, nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të aksidentit.
Jo më larg se dy ditë më parë një aksident i rëndë ndodhi në rrugën Fier-Vlorë, ku si pasojë humbi jetën një familje me katër anëtarë. Familja Gushi ishte duke udhëtuar për pushime kur i goditi nga pas një mjet tip “Audi” që shkaktoi aksidentin fatal, ku mbetën viktima edhe dy vajzat e mitura, 14 dhe 9 vjeçe.
