Dy zjarrfikës humbën jetën dhe një tjetër u plagos të dielën në Coeur d’Alene, Idaho, pasi ranë në pritë nga një person i armatosur me snajper.
Ata kishin shkuar për të ndërhyrë në një vatër zjarri në zonë malore, kur mbi ta u hap zjarr menjëherë pas mbërritjes.
Policia gjeti më pas trupin e një burri pranë një arme. Dyshohet se ai kishte shkaktuar flakët qëllimisht, për të tërhequr dhe sulmuar forcat e emergjencës.
“Besojmë se ishte një kurth i organizuar”, deklaroi Sherifi i Qarkut Kootenai, Bob Norris.
Ngjarja ndodhi në Canfield Mountain dhe zgjati për rreth pesë orë. E gjitha nisi rreth orës 14:00 me orën lokale dhe përfundoi kur njësitë speciale zbuluan viktimën e dyshuar. Identiteti i tij ende nuk është bërë publik dhe nuk janë dhënë detaje për llojin e armës së përdorur.
Sipas autoriteteve, përplasja me armë shpërtheu rreth 30 minuta pasi ekipi i shërbimit mbërriti në vendin e zjarrit.
Shtëniet erdhën nga disa drejtime, duke krijuar kaos dhe duke vënë zjarrfikësit në shënjestër të një ose më shumë autorëve të fshehur në pyll.
Ndërkohë, flakët në zonë vazhdojnë të jenë aktive, megjithëse urdhri për izolim është hequr.
