Zëvendës ndihmës sekrateri amerikan i shtetit, Matthew Palmer ka folur në lidhje me situatën zgjedhore dhe reformën në Drejtësi në Shqipëri. Duke iu përgjigjur pyetjeve të gazetarëve të programeve Alumni të SHBA-së, Palmer ka thënë se ka psur bisedmie të mira me kryeministrin, Presidentin dhe kreun e opozitës. Ai ka thënë se zgjedhjet duhet të jenë sipas standardeve demokratike dhe të sigurohet që të ketë besim për rezultatin.
‘’ Pata bisedime të mira me Presidentin e Kryeministrin. Vlerësoj përpjekjet që janë bërë në Reformën në Drejtësi. Zgjedhjet të jenë sipas standardeve demokratike. Kam biseduar edhe me kreun e PD, Lulzim Basha. Të sigurohet që shqiptarët të kenë besim për rezultatin. SHBA e përkushtuar të jetë partner i fortë për Shqipërinë. Jemi të përkushtuar për të ardhme euroatlantike të Shqipërisë.’’- tha Palmer.
Zv/sekretari ka thënë se ambasadorja amerikane ka qenë e qartë në deklaratat e saj dhe se ka ende punë për të bërë në Shqipëri, pavarësisht se ka pasur progress me reformën në drejtësi.
“E rëndësishme ajo çfarë ka thënë Yuri Kim. Ata që kandidojnë duhet të jenë të besueshëm. Yuri Kim ka qenë e qartë në deklaratat e saj. Ka pasur progres në Shqipëri në reformën në drejtësi, por ka ende shumë punë për të bërë. E rëndësishme është të zhvillohen zgjedhje transparente Stërvitje ushtarake me disa vende të NATO-s, ne kemi zgjedhur edhe Shqipërinë që është anëtare e NATO-s. Ndërkohë jemi të përkushtuar që të ketë vaksina në të gjithë botën. Përsa u përket vaksinave, Shqipëria po mundohet për popullin e saj”, ka thënë Palmer.
