Një telefonatë anonime ka ngritur në këmbë forcat e rendit në Tiranë pas dyshimeve për një bombë të vendosur në parkingun e një hoteli luksoz në qendër të qytetit.
Burime nga terreni bëjnë me dije se sinjalizimi lidhet konkretisht me hotelin “Plaza”.
Menjëherë pas njoftimit të mbërritur në sallën operative, forcat e policisë kanë mbërritur në vendngjarje dhe kanë rrethuar zonën për të kryer verifikimet.
Kontrollet po zhvillohen në ambientet e jashtme dhe të brendshme të objektit, ndërsa pritet ndërhyrja e njësive xheniere për kontroll të specializuar.
Autoritetet nuk kanë konfirmuar ende nëse bëhet fjalë për alarm të rremë apo kërcënim real.
Zona rreth hotelit është bllokuar për qarkullimin dhe lëvizjet janë kufizuar. Në pritje të rezultateve të kontrolleve, nuk raportohen persona të lënduar.
