Presidentja e Komisionit Europian Ursula von der Leyen ka thënë se dëshiron ta përgëzojë Shqipërinë për përparimin që ka bërë në reformën në drejtësi. Në konferencën e përbashkët me kryeministrin Rama, ajo tha se ky ka qenë një sukses i madh dhe pret punë të tjera në këtë drejtim.
“Dëshiroj ta përgëzoj Shqipërinë për përparimin që ka pasur me reformën në drejtësi. Sigurisht që duhet të drejtojmë sytë drejt së ardhmes, por duhet parë dhe e shkuara. Ky ka qenë sukses i madh dhe e di që po punoni për luftën e pastrimit të të ardhurave. Pres punë të tjera në këtë drejtim. Së bashku do të vendosim kursin e të ardhmes”, tha Von der Leyen.
Ajo shtori se si anëtare e BE-së në të ardhmen, dëshiron që Shqipëria të marrë pjesë në konferencë për të ardhmen e Evropës dhe tha se shpreson që konferenca e parë ndërqeveritare të fillojë në fund të këtij viti.
“Si anëtare e të ardhmes në BE, unë dua që Shqipëria të marrë pjesë në konferencë për të ardhmen e Evropës, pasi ne duam të dëgjojmë zërin e qytetarëve shqiptarë. Ne kemi punuar fort për çeljen e konferencës së parë ndërqeveritare. Ju i keni kryer detyrat tuaja, kemi kërkuar shumë dhe ju i keni bërë dhe ne do të bëjmë gjithçka për të kapërcyer pengesat. Shpresoj shumë që të fillojmë me konferencën e parë ndërqeveritare në fund të këtij viti”, presidentja e KE.
