Pak më parë në media qarkulloi lajmi se u liruan 3 efektivët e policisë që janë rrëmbyer nga trupat serbe, ndërkohë që nuk vonoi shumë dhe lajmi u përgënjeshtrua.
Media Kosovare ‘Nacionale.al’ më vonë ndryshoi informacionin dhe bëhet fjalë për 3 qytetarë të thjeshtë të Kosovës të cilët janë arrestuar në Merdare dy ditë më parë dhe jo për 3 policët e rrëmbyer. Një familjar i tyre e ka konfirmuar këtë informacion për mediat në Kosovë.
“Sapo janë liruar nga Gjykata Kushumlisë dhe janë duke ardhur në Kosovë”, tha një prej familjarëve.
Pra, 3 efektivët e arrestuar vazhdojnë të jenë të rrëmbyer nga forcat serbe.
Ndërkohë që urojmë që efektivët e policisë së Kosovës që janë marrë peng nga forcat serbe të lirohen sa më shpejt. Po ashtu shpresojmë të ulen tensionet midis dy vendeve përkatëse.
Theksojmë që reagimet nuk qeveria shqiptare kanë qenë të vonuara dhe të cunguara lidhur me këtë çështje.
Ishte presidenti Bajram Begaj ai që fillimisht bëri një reagim zyrtar mëngjesin e ditës së sotme, ku theksoi se ky është një akt i rëndë provokativ për destabilizimin e Kosovës dhe të mbarë rajonit.
Ndërkohë që ka munguar një reagim nga ana e kreut të qeverisë së Shqipërisë, Edi Rama.
Qasja e kryeministrit Rama, është evidentuar që nga deklaratat e tij të “zjarrta” duke dënuar veprimet e Kurtit si dhe tek anulimi i njëanshëm i mbledhjes me rëndësi të veçantë për Kosovën dhe Shqipërinë.
Po ashtu, gjatë seancës së sotme plenare ishte ministrja për Europën dhe Punët e Jashtme, Olta Xhaçka që bëri një reagim të vakët dhe të vonuar për lirimin e 3 efektivëve që janë rrëmbyer nga Serbia.
Nuk është aspak shpresëdhënës fakti që politikanët tanë reagojnë ashpër ndaj çështjeve që prekin interesin kombëtar veçse kur janë në opozitë.
Ashtu siç bënte dhe vetë kryeministri Kurti në vitin 2016 për një ngjarje të 2012-ës, për arrestimin e e policëve të Kosovës nga serbët, reagim shumë brutal krahasuar me këtë të fundit, teksa qëndron në pushtet dhe kompleksohet nga qeveria serbe
“Ja u kanë dhunuar tre policë në Dumnicë. Xhandarmëria serbe ja u ka shtrirë në dushk të malit. Pse asnjëri prej tyre nuk dha intervistë? Si bëhet që asnjëri prej tre policëve që u shtrinë ratë në Dumnicë nuk dha intervistë? Si bëhet që asnjë shok i tyre nuk mori hak?”- shprehej Kurti asokohe, si opozitar.
Mbetet të shpresojmë që situata mes vendeve të mos përshkallëzohet dhe 3 policët e rrëmbyer të kthehen në shtëpitë e tyre.
