Ceno Klosi dorëhiqet nga posti i Drejtorit të Përgjithshëm të Tatimeve. Ky vendim ka ardhur pas të paktën 3 vitesh që Klosi ka qëndruar në këtë detyrë. Ndaj Klosit ka pasur një hetim nga SPAK, pas dy denoncimeve të PD-së dhe akuzohet si një ndër zyrtarët e lartë më të korruptuar.
“Mbi bazën e kallëzimit penal të dërguar nga grupi parlamentar i subjektit politik Partia Demokratike, Prokuroria e Posaçme Kundër Korrupsionit dhe Krimit të Organizuar ka regjistruar Procedimin Penal Nr.259/2023 datë 13.12.2023, për veprat penale “Korrupsioni pasiv i personave që ushtrojnë funksione publike ”, “Shpërdorimi i detyrës”, “Falsifikim i dokumentave” dhe “Mashtrimi””, njoftoi prokuroria.
Sipas të dhënave zyrtare të institucionit të akuzës, 6 muaj para kallëzimit të parë, opozita ka depozituar një tjetër kallëzim ndaj drejtorit të Përgjithshëm të Tatimeve Klosi.
