300 punonjës të policisë me gradat më të larta duke nisur që nga Drejtori i Përgjithshëm i Policisë, Ardi Veliu do t’i nënshtrohen vetting-ut.
Kryetarja e bordit përzgjedhës të kualifikimit Aida Shehi e ftuar në nënkomisionin për mbikëqyrjen e zbatimit të ligjit për Vetting-un e Policisë ishte ajo që bëri të ditur lajmin.
Sipas saj pas miratimit të Vendimit të Këshillit të Ministrave të datës 23 janar të këtij viti, që i hapi rrugë përcaktimit të pagave për anëtarët e Komisionit të Jashtëm të Vlerësimit dhe Sekretariatit Teknik, këto dy komisione janë gati të nisin punë.
Shehi u shpreh se janë të gjitha kapacitetet për të realizuar me sukses këtë proces. Vetting-u në polici ishtë një nismë e Ministrisë së Brendshme që synon pastrimin e Policisë nga punonjës të cilët kanë lidhje me krimin apo që nuk justifikojnë pasurinë e tyre, për të krijuar një trupë policore me integritet dhe të pacënueshme.
