Është zbardhur mënyra se si votuan deputetët për qeverinë dhe programin qeverisës “Rama3”, në seancën maratonë të ditës së djeshme, që u mbyll në orët e para të mëngjesit të sotëm.
Në faqen zyrtare të Kuvendit, janë publikuar të gjitha votat e deputetëve, ku bie në sy fakti që nëntë ligjvënës nuk kanë marrë pjesë në votim.
Kështu, deputetët që nuk kanë qenë të pranishëm në votim janë Sali Berisha, Monika Kryemadhi, Nustret Avdulla, Vangjel Dule, Shpëti Idrizi, Seladin Jakuplltari, Fatmir Mediu, Flamur Noka, Petrit Vasili dhe Erisa Xhixho. Ndërkohë, rezulton se ka abstenuar deputeti i LSI, Agron Çela.
Si-kane-votuar-deputetet-shtator-2021-final-1</a
Krijimi i qeverisë së re tashmë e cilësuar dhe me emrin “Rama3” është pritur me shumë replika dhe debate të zjarrta mes deputetëve dhe grupeve të ndryshme parlamentare. Mes tyre ishte dhe Presidenti i vendit tonë Ilir Meta i cili dërgoi në SPAK listën e plotë me emrat e ministrave të rinj të zgjedhur nga kryeministri Rama për t’u bindur nëse kanë apo jo ndonjë precedent penale apo janë të akuzuar për diçka në të shkuarën. Madje dhe vonesa e tij për dekretimin dhe emërimin e tyre dhe qeverisë së re flet shumë. Përpos kësaj një problem tjetër i shtuar ishte dhe përjashtimi i ish-kryeministrit Sali Berisha i cili ka ndezur jo pak debate në Parlament por edhe në rrathët e Partisë Demokratike.
