Forcat izraelite kanë ndërmarrë një ofensivë të re tokësore dhe ajrore në qytetin Deir al-Balah, në pjesën qendrore të Rripit të Gazës, duke shkaktuar një tjetër valë zhvendosjesh në radhët e civilëve.
Operacioni nisi në orët e para të së hënës, menjëherë pas paralajmërimeve për evakuim të lëshuara nga ushtria për banorët e gjashtë blloqeve të banimit në jugperëndim të qytetit.
Kjo zonë strehon aktualisht mijëra të zhvendosur nga qytetet Rafah dhe Khan Younis, në jug të Gazës, duke e bërë situatën humanitare edhe më të rënduar.
Sipas raportimeve nga gazetarë lokalë për BBC-në, tanket dhe automjetet ushtarake izraelite depërtuan në qytet nga pika e kontrollit Kisufim, të mbështetura nga bombardime të rënda me artileri dhe sulme ajrore.
Dhjetëra predha goditën lagjet Abu al-‘Ajin dhe Hikr al-Jami’, ndërsa trupat tokësore përparuan në territor.
