Të shumtë janë shqiptarët që kanë kërkuar azil në shtetin gjerman. Shumë prej tyre u është refuzuar kjo kërkesë, pasi nuk ka pasur arsye nga shteti gjerman për t’i mbajtur e për të shpenzuar për ta.
Edhe një shqiptari i është refuzuar marrja e azilit në Bon të Gjermanisë. I irrituar nga ky vendim, i riu shqiptar ka vendosur që t’i vërë flakën godinës së kampit ku ai kishte qëndruar për disa kohë.
Mediat gjermane kanë shkruar se në këtë godinë jetonin 150 persona. Ata janë evakuuar, ndërsa shtatë prej tyre ishin plagosur lehtë.
Forcat e zjarrfikëses kishin shkuar në vendngjarje sapo kishin marrë telefonatën për ndihmë. Në këtë godinë, në brendësi të kampit jetonin shqiptarë, rusë dhe irakianë.
Policia gjermane ka njoftuar se janë arrestuar dy persona lidhur me ngjarjen. Ata janë një 19-vjeçar dhe një 24-vjeçar.
Identitetet e tyre ende nuk janë bërë publike nga policia gjermane, e ndërsa video e të riut shqiptar ku i ka vënë flakën godinës është publikuar nga “JOQ”.
