Policia po vijon kontrollet në të gjithë territorin për kapsolla dhe fishekzjarre.
Si rezultat i kontrolleve, në dy dyqane në Bulqizë janë gjetur 7680 kapsolla.
Njëkohësisht janë proceduar edhe pronarët e dyqaneve, A.K. dhe K.K.
Materialet i kaluan prokurorisë për veprime të mëtejshme.
Njoftimi i policisë
Sekuestrohen në Bulqizë 7680 kapsolla.
Procedohen penalisht dy pronarët e dyqaneve ku u gjetën kapsollat.
Strukturat e Policisë vijojnë kontrollin e pandërprerë në të gjithë territorin, në subjekte të ndryshme, “Për mënyrën, kushtet dhe kriteret e magazinimit e përdorimit të lëndëve piroteknike e fishekzjarrëve”.
Si rezultat i kontrolleve, në Bulqizë, në dy dyqane janë gjetur dhe sekuestruar 7680 kapsolla dhe konkretisht:
Në dyqanin në pronësi të shtetasit A. K. u gjetën dhe u sekuestruan në cilësinë e provës materiale 120 pako, me 60 kapsolla secila dhe në dyqanin në pronësi të shtetasit K. K. u gjetën dhe u sekuestruan në cilësinë e provës materiale 8 pako me 60 kapsolla secila.
Për këta shtetas filloi procedimi penal dhe materialet në ngarkim të tyre i kaluan Prokurorisë, për veprime të mëtejshme.
Kontrollet vijojnë në të gjithë territorin dhe në këtë kuadër Policia e Shtetit fton qytetarët që të denoncojnë në numrin 112 e Komisariatin Dixhital çdo rast të tregtimit apo përdorimit të kapsollave, fishekzjarrëve dhe çdo rast të paligjshmërisë.
