Një 23-vjeçar në Berat kishte prej katër ditësh i zhdukur, ndërkohë që sot trupi i tij është gjetur i pajetë në ujërat e rezervuarit të fshatit Sqepur. Llazar Palla, 23 vjeç ishte shurdh dhe memec.
Theksojmë se 23-vjeçari u gjet nga polumbarët e RENEA-s, pas kërkimit në vendin ku edhe dyshonin familjarët se mund të kishte rënë.
Ndërkohë që familjarët e 23-vjeçarit Llazar Palla, kishin denoncuar në polici se vëllai i tyre shurdh-memec ishte zhdukur dhe dyshimet e tyre ishin se ai mund të ishte mbytur. Gjithashtu familjarët kanë kërkuar ndihmën e polumbarëve, që pas 3-ditësh kanë mbërritur dhe e kanë gjetur trupin e pajetë të djalit, që është dërguar në Morgun e Spitalit Rajonal Berat për t’ju nënshtruar ekspertizës mjeko-ligjore.
Nga ekzaminimi paraprak i trupit bëhet me dije se nuk janë konstatuar shenja dhune.
Njoftimi i Policisë së Shtetit:
Berat/Informacion paraprak
Ditën e sotme është gjetur i mbytur në rezervuarin e fshatit, Sqepur, Dimal, shtetasi Ll. P., 23 vjeç, banues në Sqepur, Dimal.
Shtetasi Ll. P. ishte shpallur në kërkim për largim nga banesa, në datën 14.03.2021.
Pas disa orësh kërkimesh, polumbarët e forcës Renea dhe shërbimet e policisë Dimal kanë bërë të mundur nxjerrjen e trupit të pajetë nga rezervuari.
Nga këqyrja paraprake e trupit nuk janë konstatuar shenja dhune.
Grupi hetimor po punon për zbardhjen e rrethanave të ngjarjes.
