Damian Gjiknuri ka pritur sot në një takim në selinë e Partisw Socialiste, ish-Presidentin e Parlamentit Europian, Martin Schulz. Sekretari i Përgjithshëm i PS tha se ish-presidenti i PE ka njohur përparimin e Shqipërisë në shumë fusha, ndërsa foli dhe për sfidat që presin Shqipërinë dhe Ballkanin Perëndimor.
“Është një nga personalitetet e mëdha të politikës gjermane, një bashkëpunëtor i afërt i PS. Së bashku jemi duke punuar në lidhje me politikën e jashtme, sfidat që po kalon Shqipëria dhe Ballkani Perëndimor. Po përgatitemi për një konferencë të madhe, ku do të paraqesim dhe idetë progresive, zoti Schulz është një mbështetës i madh i politikave tona”.
Meta pjesë e konferencës së partive të majta?
Gjiknuri: Ilir Meta është i rreshtuar me koalicionin e të shkuarës, nuk përfaqëson asgjë me të majtën dhe madje edhe emrin e ka ndryshuar”.
Posterat denigrues në rrugë për opozitën
Gjiknuri: Për respekt të mikut, ju e dini që unë jam i hapur për çdolloj pyetje, pjesën tjetër jam i gatshëm që të mblidhemi pasdite.
Emigrantët që janë larguar në Gjermani
Schulz: Të rinjtë po largohen, por është e vërtetë që qeveria ka bërë një punë shumë të mirë, por është e rëndësishme që të bëhet më shumë për të përmbushur kërkesat e tyre.
