Kirurgu i njohur dhe ish-Ministri i Shëndetësisë Arben Beqiri, përmes një statusi në rrjetet sociale i bën apel Ministres së Shëndetësisë Ogerta Manastirliu dhe Komitetit Teknik të Ekspertëve, të marrin masa dhe të urdhërojnë mospërdorimin maskave në banka, bare e shërbime të tjera publike.
Sipas mjekut Beqiri, përdorimi i tyre është i dëmshëm, dhe përhap infeksionin e Covid-19, dhe sëmundje të tjera infektive.
Që prej nisjes së pandemisë është këshilluar që të mbahet higjiena personale dhe shumë qytetarë mbajnë doreza për të shmangur kontaktin me objekte të ndotura. Specialistët janë të ndarë për këtë pjesë, pasi nuk kanë dhënë këshilla të qarta nëse duhen mbajtur apo jo dorezat gjatë kryerjes së aktiviteve të ndryshme. Pak ditë më parë mjeku Pipero është shprehur skeptik për mbajten e dorezave, duke thënë se ato mund të përhapin dhe infeksionin.
“Në shumë bare dhe shërbim publik, banka, etj shoh personelin të mbajnë doreza. I bëj thirrje Ministres Ogerta Manastirliu dhe Komitetit të Task Forcës që sa më shpejt të urdhërojnë mospërdorimin e tyre në këto shërbime. Dorezat bëhen vetëm përhapëse të infeksionit Covid dhe të shumë infeksioneve të tjera”, shkruan ish-ministri.
