Gjykata e Lartë ka refuzuar kërkesën e ish-drejtorëve të Bashkisë Tiranë, Mariglen Qato dhe Redi Molla, për ndryshimin e masës së sigurisë. Vendimi mbështet vendimin e mëparshëm të Gjykatës së Apelit të datës 31 korrik.
Gjyqtarja Nertina Kosova konfirmoi masën “arrest me burg” për të dy zyrtarët, të cilët ndodhen në paraburgim që nga marsi i këtij viti në lidhje me dosjen “5D”, së bashku me Taulant Tushen.
Vendimi vjen pavarësisht se Gjykata e Lartë kishte prishur më herët vendimin e Apelit të Posaçëm dhe e kishte kthyer çështjen për rishqyrtim me një trupë të re gjykuese.
Pavarësisht burgosjes, dyshohet se Qato dhe Molla vazhdojnë të ushtrojnë ndikim të drejtpërdrejtë në aktivitetin e kompanisë “5D Konstruksion”.
Politikani Belind Këlliçi ka denoncuar se të dy ish-zyrtarët po nënshkruajnë dokumente nga qelia e burgut, ndërsa punimet në hotelin në Durrës vijojnë normalisht.
