Një nga deputetët që nuk pranoi të linte mandatin dhe që PD-ja e përjashtoni, Myslim Murrizi, vazhdon deklaratat e tij se ka edhe deputetë të tjerë që kanë për të refuzuar dorëzimin e mandatit.
I pyetur në një intervistë televizive, ai ka thënë se ka edhe të tjerë, përveç tij që nuk kanë për ta kryer një akt të tillë.
“Do të ketë pas meje dhe të tjerë që nuk do t’i binden këtij urdhri”, tha Myslim Murrizi. Sipas tij në krye të demokratëve të Lushnjës nuk e zgjodhi as Berisha as Basha, por e zgjodhën demokratët ë këtij qyteti për kontributin e tij.
“Nuk jam endacak politikan, por jam atje prej 4 janarit të 1991 dhe do jem vetëm atje derisa të jem në politikë. Nuk të lënë radhë të tjerët, mashtrojnë 4 vjet dhe ikin në një qark tjetër. Arroganca dhe komunistllëku brenda PD-së më dha mundësinë të provoj veten”.
